முதுமலைப் புலிகள் காப்பகத்தில் பிறந்து ஒரு மாதம் ஆன யானை குட்டி இறந்த நிலையில் மீட்கப்பட்டுள்ளது.
நீலகிரி மாவட்டத்தில் உள்ள முதுமலை புலிகள் காப்பகத்தில் காட்டுயானைகள் , புலிகள் போன்ற ஏராளமான வனவிலங்குகள் வாழ்ந்து வருகிறது. இந்நிலையில் வனப்பகுதி ஊழியர்கள் சிங்கார வனப்பகுதியில் தீவிர ரோந்து பணியில் ஈடுபட்டுள்ளனர். அப்போது அங்குள்ள நீரோடைக்கு அருகில் யானை குட்டி ஒன்று இறந்த கிடப்பதை பார்த்த வனத்துறையினர் உடனடியாக அதிகாரிகளுக்கு தகவல் தெரிவித்துள்ளனர்.
அந்த தகவலின்படி சம்பவ இடத்திற்கு விரைந்த வந்த அதிகாரிகள் மற்றும் கால்நடை மருத்துவர் இறந்து கிடந்த குட்டி யானையின் உடலை பிரேத பரிசோதனை செய்து அங்கேயே புதைத்துவிட்டனர். இதுகுறித்து வனத்துறையினர் கூறும்போது, இறந்து கிடந்தது பிறந்து ஒரு மாதமே ஆன ஆண் குட்டியானை ஆகும். மேலும் பிரேத பரிசோதனை அறிக்கை வந்த பிறகே குட்டியானை இறந்ததற்கான காரணம் தெரியவரும் என கூறியுள்ளனர்.