மணல் கடத்திய குற்றத்திற்காக ஒருவரை காவல்துறையினர் கைது செய்துள்ளனர்.
மயிலாடுதுறை மாவட்டத்திலுள்ள மணல்மேட்டில் காவல்துறையினர் தீவிர வாகன சோதனையில் ஈடுபட்டுள்ளனர். அப்போது அந்த வழியாக வந்த லாரியை நிறுத்தி காவல்துறையினர் சோதனை நடத்தினர். அந்த சோதனையில் லாரியில் சட்ட விரோதமாக மணல் கடத்தப்பட்டது தெரியவந்துள்ளது. இதனையடுத்து காவல்துறையினர் விசாரணை நடத்தியுள்ளனர்.
அந்த விசாரணையில் மணல் திருட்டில் ஈடுபட்டவர் வாகீசன் என்பது தெரியவந்துள்ளது. அதன்பின் வாகீசன் மீது வழக்கு பதிந்த காவல்துறையினர் அவரை கைது செய்து சிறையில் அடைத்தனர். மேலும் மணல் கடத்தலில் ஈடுபட்ட 2 பேரை காவல்துறையினர் வலைவீசி தேடி வருகின்றனர்.