கடனை திருப்பி செலுத்த முடியாததால் மனமுடைந்த கணவன்-மனைவி விஷம் குடித்த சம்பவம் அப்பகுதியில் சோகத்தை ஏற்படுத்தியுள்ளது.
தேனி மாவட்டம் பொடியை அடுத்துள்ள அம்மாபட்டி பகுதியில் கருப்பையா என்பவர் வசித்து வந்துள்ளார். விவசாயியான இவருக்கு பேச்சியம்மாள் என்ற மனைவியும் தினேஷ்குமார் என்ற மகனும் உள்ளனர். இந்நிலையில் கடந்த கடந்த சில ஆண்டுகளுக்கு முன்பு கருப்பையா கடன் வாங்கி வீடு கட்டியுள்ளார். இதனையடுத்து தினேஷ்குமாரும் எவ்வித உதவியும் செய்யாமல் இருந்ததால் கருப்பையா கடனை திருப்பி செலுத்த முடியாமல் அவதிப்பட்டு வந்ததாக கூறப்படுகிறது.
இதனால் மனமுடைந்த கணவன் மனைவி வீட்டில் வைத்து விஷம் குடித்து தற்கொலைக்கு முயன்றுள்ளனர். இதனை பார்த்து அதிர்ச்சியடைந்த அவரது உறவினர்கள் உடனடியாக இருவரையும் மீட்டு சிகிச்சைக்காக தேனி அரசு மருத்துவமனைக்கு அழைத்து சென்றனர். அங்கு சிகிச்சை பலனின்றி பேச்சியம்மாள் உயிரிழந்துள்ளார். தற்போது கருப்பையாவுக்கு தீவிர சிகிச்சை அளிக்கப்பட்டு வருகின்றது. மேலும் இச்சம்பவம் குறித்து போடி காவல்துறையினர் வழக்குபதிவு செய்து விசாரித்து வருகின்றனர்.