லாரி மீது மோட்டார் சைக்கிள் மோதிய விபத்தில் வாலிபர் உயிரிழந்த சம்பவம் சோகத்தை ஏற்படுத்தியுள்ளது.
திருவண்ணாமலை மாவட்டத்திலுள்ள கூழமந்தல் கிராமத்தில் பிரகாஷ் என்பவர் வசித்து வருகிறார். இவர் தனது நண்பர்களான சந்துரு, பூபாலன் ஆகியோருடன் மோட்டார் சைக்கிளில் சென்று கொண்டிருந்தார். இந்நிலையில் காஞ்சிபுரம்-வந்தவாசி சாலையில் எதிரில் நின்று கொண்டிருந்த ஒரு லாரி மீது அவர்களின் மோட்டார் சைக்கிள் மோதியது. இந்த விபத்தில் சந்துரு, பூபாலனுக்கு பலத்த காயம் ஏற்பட்டது. ஆனால் பிரகாஷ் இந்த விபத்தில் காயமின்றி உயிர் தப்பினார்.
இதுகுறித்து தகவலறிந்த காவல்துறையினர் சம்பவ இடத்திற்கு விரைந்து சென்று காயமடைந்தவர்களை மீட்டு காஞ்சிபுரம் அரசு மருத்துவமனைக்கு சிகிச்சைக்காக அனுப்பி வைத்தனர். அங்கு அளிக்கப்பட்ட சிகிச்சை பலனின்றி சந்துரு பரிதாபமாக உயிரிழந்தார். இதனையடுத்து பூபாலனுக்கு தீவிர சிகிச்சை அளிக்கப்பட்டு வருகிறது. மேலும் இது குறித்து வழக்கு பதிவு செய்த காவல்துறையினர் விசாரணை நடத்தி வருகின்றனர்.