சென்னை சூப்பர் கிங்ஸ் அணியின் தலைமை செயல் அதிகாரி காசி விஸ்வநாதன் அணித் தேர்வு குறித்து பேட்டி அளித்துள்ளார்.
பெங்களுருவில் கடந்த சனி மற்றும் ஞாயிறு கிழமைகளில் நடைபெற்ற ஐபிஎல் 15-ஆவது சீசன் மெகா ஏலத்தில் சென்னை சூப்பர் கிங்ஸ் அணி 21 பேரை கொத்தி சென்றது. இந்நிலையில் ஏற்கனவே ஜடேஜா, ருதுராஜ் , மொயின் அலி, தோனி உள்ளிட்டவர்களை அந்த அணி தக்க வைத்தது. சிஎஸ்கே இந்த மெகா ஏலத்தில் 21 வீரர்களை வாங்கியதில், வெளிநாட்டு வீரர்கள் 7 பேர் மற்றும் உள்நாட்டு வீரர்கள் 14 பேர் இருக்கின்றனர்.
இதன்பிறகு சிஎஸ்கேயிடம் 48 கோடியில் 2.95 கோடி தொகை மீதமிருந்தது. இந்த நிலையில் இந்த மெகா ஏலம் முடிந்தபின் சென்னை சூப்பர் கிங்ஸ் அணியின் தலைமை செயல் அதிகாரி காசி விஸ்வநாதன் செய்தியாளருக்கு அளித்த பேட்டியில் இவ்வாறு கூறியுள்ளார். இதில் பயிற்சியாளர் பிளெமிங்தான், ஓபனர் டிவோன் கான்வேவை தேர்வு செய்தார். இவர் சிறந்த ஆட்டத்தை நிச்சயம் வெளிப்படுத்துவார் என நம்புகிறேன் என கூறினார்.
தொடர்ந்து பேசிய அவர் நட்சத்திர வீரர்களாக அணியில் திகழ்ந்து வந்த டூ பிளஸி, ஷர்தூல் தாகூர் ஆகியோரை வாங்க முடியாதது மிகப்பெரிய ஏமாற்றத்தை ஏற்படுத்தியது. மற்றும் பிற அணிகளின் கடும் போட்டியால் கடுமையாக முயற்சித்தும் வாங்க முடியவில்லை என்று கூறினார். மேலும் சிறந்த அணியை தேர்வு செய்துள்ளதாகவும், இதற்கெல்லாம் முக்கிய காரணம் கேப்டன் மகேந்திரசிங் தோனி மற்றும் பயிற்சியாளர் பிளெமிங் என்று கூறிய பின், தோனி அனைத்தையும் பார்த்துக் கொள்வார் என தெரிவித்துள்ளார்.