“கிடைத்த ரகசிய தகவல்” தந்தை-மகன் கைது…. தனிப்படை போலீசின் அதிரடி நடவடிக்கை…!!

திருட்டு வழக்கில் தந்தை மற்றும் மகன் ஆகிய இருவரை காவல்துறையினர் கைது செய்துள்ளனர்.

விழுப்புரம்  மாவட்டத்தில் உள்ள திண்டிவனம் பகுதியில் தொடர்ந்து திருட்டு சம்பவம் நடைபெறுவதாக காவல்துறையினருக்கு புகார்கள் வந்துள்ளது.இந்நிலையில் மாவட்ட
போலீஸ் சூப்பிரண்டு அபிஷேக் குப்தா தலைமையில் தனிப்படை காவல்துறையினர் திருட்டில் ஈடுபட்ட மர்ம நபர்களை வலை வீசி தேடி வந்துள்ளனர். இதனையடுத்து தைல மர தோப்பில் மர்ம நபர்கள் பதுங்கியிருப்பதாக காவல்துறையினருக்கு ரகசிய தகவல் வந்ததுள்ளது.

அந்த தகவலின் அடிப்படையில் காவல்துறையினர் அங்கு சென்று தீவிர தேடுதல் வேட்டையில் ஈடுபட்டனர். மேலும் இதுகுறித்து வழக்குப்பதிவு செய்த காவல்துறையினர் 2 நபர்களை கைது செய்து விசாரணை நடத்தியுள்ளனர். அந்த விசாரணையில் அவர்கள்  சேலம் மாவட்டத்தில் உள்ள  மேல் கமெண்ட்டபட்டி கிராமத்தில் வசிக்கும் கலியமூர்த்தி மற்றும் அவரது மகன் செல்வகுமார் என்பது தெரியவந்துள்ளது. இதனையடுத்து காவல்துறையினர் இருவரையும் கைது செய்து தொடர்ந்து விசாரணை மேற்கொண்டு வருகின்றனர்.