சபரிமலைக்கு சாமி தரிசனம் செய்வதற்காக சென்ற பக்தர்கள் லாரி ஒன்று வேன் மீது மோதி விபத்துக்குள்ளானத்தில் சம்பவ இடத்திலேயே 3 பேர் உயிரிழந்துள்ளனர்.
கர்நாடக மாநிலத்தில் ஹாசன் பகுதியில் 14 பக்தர்கள் கேரளாவிலுள்ள சபரிமலைக்கு சாமி தரிசனம் செய்வதற்காக சென்றுள்ளனர். அவர்கள் டெம்போ வேன் ஒன்றில் புனித பயணம் மேற்கொண்டுள்ளனர். அப்போது அவர்களது வாகனம் கோழிக்கோடு மாவட்டத்தில் பூலாடிகிண்ணு பகுதியில் தேசிய நெடுஞ்சாலையில் நின்று கொண்டிருந்தது. அப்போது லாரி ஒன்று வேன் மீது மோதி விபத்துக்குள்ளானது.
இந்த விபத்தில் பக்தர்கள் 3 பேர் சம்பவ இடத்திலேயே பரிதாபமாக உயிரிழந்துள்ளனர். மேலும் 4 பேர் படுகாயம் அடைந்து கோழிக்கோட்டில் உள்ள மருத்துவமனைக்கு சிகிச்சைக்காக கொண்டு செல்லப்பட்டுள்ளனர். இந்த விபத்தில் உயிரிழந்துள்ள வினேஷ், சிவண்ணா மற்றும் நாகராஜ் ஆகியோர் அடையாளம் காணப்பட்டுள்ளனர். மேலும் இந்த விபத்து குறித்து போலீசார் விசாரணை நடத்தி வருகின்றனர்.