12 அணிகளுக்கு இடையேயான 8-வது புரோ கபடி லீக் போட்டி பெங்களூரில் நடைபெற்று வருகிறது. இதில் நேற்றிரவு நடந்த ஆட்டத்தில் தமிழ் தலைவாஸ் – புனேரி பால்டன் அணிகள் பலப்பரீச்சை நடத்தின .இதில் 31-43 என்ற புள்ளி கணக்கில் புனேரி பால்டன் அணியிடம் தமிழ் தலைவாஸ் அணி தோல்வியடைந்தது. இதுவரை 20 போட்டிகளில் விளையாடியுள்ள தமிழ் தலைவாஸ் அணி 5 வெற்றி, 9 தோல்வி, 6 டிரா என 47 புள்ளிகளுடன் 10-வது இடத்தில் உள்ளது.
மேலும் நேற்று நடைபெற்ற மற்ற ஆட்டங்களில் பாட்னா பைரட்ஸ் அணி 36-34 என்ற புள்ளி கணக்கில் பெங்களூரு புல்ஸ் அணியையும் , ஜெய்ப்பூர் பிங்க் பாந்தர்ஸ் அணி 44-28 என்ற புள்ளி கணக்கில் யு மும்பா அணியையும் தோற்கடித்தது. இதனிடையே இன்று இரவு 7.30 மணிக்கு நடைபெறும் ஆட்டங்களில் பெங்கால் வாரியர்ஸ்- தமிழ் தலைவாஸ் அணியும் , இரவு 8.30 மணிக்கு நடைபெறும் மற்றொரு ஆட்டத்தில் தெலுங்கு டைட்டன்ஸ்-ஜெய்ப்பூர் பிங்க் பாந்தர்ஸ் அணியும் மோதுகின்றன.