நடிகர் தனுஷ் நடிப்பில் நடிகை மாளவிகா மோகனன் கதாநாயகியாக நடித்துள்ள “மாறன்” திரைப்படம் OTT தலத்தில் நேரடியாக வெளியாக உள்ளது.
தமிழ் சினிமாவில் பிரபல நடிகையாக வலம் வருபவர் மாளவிகா மோகனன். இவர் ரஜினி நடிப்பில் வெளியான “பேட்ட” படத்தின் மூலம் அறிமுகமானார். இதனையடுத்து விஜய் நடிப்பில் வெளியான “மாஸ்டர்” படத்தில் கதாநாயகியாக நடித்ததன் மூலம் ரசிகர்களின் கவனத்தை ஈர்த்தார். தற்போது இவர் தனுஷ் நடித்து வரும் “மாறன்” படத்தில் அவருக்கு ஜோடியாக நடிக்கிறார்.
மேலும், படங்களில் நடிப்பதில் இவர் பிஸியாக இருந்தாலும், சமூக வலைதளப்பக்கத்தில் அவ்வப்போது தனது புகைப்படங்களை வெளியிடுவதன் மூலம் அதிகமான ரசிகர்களை பெற்றுள்ளார். இதனை தொடர்ந்து மாளவிகா மோகனன் காதலர் தினத்தை முன்னிட்டு ரசிகர்கள் கேள்விகளுக்கு சுவாரஸ்யமாக பதில் அளித்து வந்தார்.
அப்பொழுது ரசிகர் ஒருவர் மாளவிகா மோகனன் இடம் விஜய்யுடன் இணைந்து நடித்தால் எப்படிப்பட்ட படத்தில் நடிப்பீர்கள் என்று கேள்வி எழுப்பினார். அதற்கு சற்றும் தாமதிக்காமல் பதில் அளித்த மாளவிகா மேனன் விஜய் காதல் படங்களில் பார்த்து ரொம்ப நாள் ஆகிவிட்டது அதனால் விஜயுடன் இணைந்து காதல் படம் நடிக்க ஆசைப்படுவதாக பதிலளித்துள்ளார்.
மேலும் தனுசுடன் இணைந்து நடித்த அனுபவம் பற்றி கேட்டதற்கு, அவருடன் இணைந்து நடித்தது நடிப்பைக் கற்றுக் கொண்டது போல இருக்கிறது. நடிகர் தனுஷ் தன்னை ‘மால்மோ’ என்று செல்லமாக அழைப்பார் என மாளவிகா முன்னாடியே தெரிவித்திருந்தார். மேலும் அவர் நல்ல ஒரு வழிகாட்டி என கூறியுள்ளார். மேலும் மாறன் படத்தின் ரிலீஸ் தேதி பற்றி கேட்டதற்கு அதற்காக நானும் காத்திருக்கிறேன்” என்று பதில் அளித்துள்ளார்.
இந்நிலையில் மாறன் திரைப்படத்தின் முக்கிய கதாபாத்திரங்களில் சமுத்திரக்கனி, காளி வெங்கட், மாஸ்டர் மகேந்திரன் உள்ளிட்ட பலர் நடித்துள்ளனர். இசையமைப்பாளர் ஜிவி பிரகாஷ் இசையமைத்த இப்படம் டிஸ்னி பிளஸ் ஹாட்ஸ்டாரில் நேரடியாக வெளியாகும் உள்ளது என்பது குறிப்பிடத்தக்கது.