12 அணிகளுக்கு இடையேயான 8-வது புரோ கபடி லீக் போட்டி பெங்களூரில் நடைபெற்று வருகிறது. இதில் நேற்றிரவு நடந்த ஆட்டத்தில் தமிழ் தலைவாஸ் – பெங்கால் வாரியஸ் அணிகள் மோதின. இதில் 21-51 என்ற புள்ளி கணக்கில் தமிழ் தலைவாஸ் அணி ,பெங்கால் வாரியர்சிடம் தோல்வியடைந்தது.இது தமிழ் தலைவாஸ் அணி தொடர்ச்சியாக சந்தித்த 6-வது தோல்வியாகும். இதுவரை 21 போட்டிகளில் விளையாடியுள்ள தமிழ் தலைவாஸ் அணி 5 வெற்றி, 10 தோல்வி, 6 டிரா என 47 புள்ளிகளுடன் 11-வது இடத்துக்கு தள்ளப்பட்டதோடு , அடுத்த சுற்று வாய்ப்பையும் இழந்து விட்டது.
இதைதொடர்ந்து நடந்த மற்றொரு போட்டியில் ஜெய்ப்பூர் பிங்க் பாந்தர்ஸ் அணி 54-35 என்ற புள்ளி கணக்கில் தெலுங்கு டைட்டன்ஸ் அணியை வீழ்த்தியது. இதனிடையே இன்று இரவு நடைபெறும் லீக் ஆட்டங்களில் உ.பி.யோத்தா- யு மும்பா (இரவு 7.30 மணிக்கு) அணியும்,பெங்களூரு புல்ஸ்- அரியானா ஸ்டீலர்ஸ் (இரவு 8.30 மணிக்கு) அணியும், தபாங் டெல்லி- பாட்னா பைரட்ஸ் (இரவு 9.30 மணிக்கு) அணியும் மோதுகின்றன.