மோட்டார் சைக்கிள் மீது லாரி மோதிய விபத்தில் கணவன் கண் எதிரே இளம்பெண் உயிரிழந்த சம்பவம் சோகத்தை ஏற்படுத்தியுள்ளது.
சென்னை மாவட்டத்திலுள்ள கொளத்தூர் பகுதியில் திவாகரன் என்பவர் வசித்து வருகிறார். இவர் அப்பகுதியில் இருக்கும் தனியார் நிறுவனத்தில் வேலை பார்த்து வருகிறார். இவருக்கு நளினி என்ற மனைவி இருந்துள்ளார். இந்நிலையில் திவாகரன் தனது மனைவியுடன் மோட்டார் சைக்கிளில் வில்லிவாக்கம் நோக்கி புறப்பட்டுள்ளார். இவர்கள் வில்லிவாக்கம் பேருந்து நிலையம் அருகே சென்று கொண்டிருந்த போது அவ்வழியாக வந்த லாரி திவாகரனின் மோட்டார் சைக்கிள் மீது பயங்கரமாக மோதியது.
இந்த விபத்தில் படுகாயமடைந்த நளினி சம்பவ இடத்திலேயே பரிதாபமாக உயிரிழந்துவிட்டார். மேலும் திவாகரன் லேசான காயங்களுடன் உயிர் தப்பிவிட்டார். இதுகுறித்து தகவல் அறிந்த காவல்துறையினர் சம்பவ இடத்திற்கு விரைந்து சென்று நளினியின் சடலத்தை கைப்பற்றி அரசு மருத்துவமனைக்கு பிரேத பரிசோதனைக்காக அனுப்பி வைத்துள்ளனர். மேலும் இதுகுறித்து வழக்குப்பதிவு செய்த காவல்துறையினர் தீவிர விசாரணை மேற்கொண்டு வருகின்றனர்.