வாடிக்கையாளர்களின் வங்கி கணக்கில் இருந்த பணத்தை நூதன முறையில் திருடியுள்ள ஏமாற்று கும்பலை போலீசார் கைது செய்துள்ளனர்.
நாட்டில் வாடிக்கையாளர்களின் வங்கி கணக்கில் இருந்து பணத்தை திருடும் கும்பல் ஏராளமாக பெருகி வருகிறது. அந்தவகையில் ஜார்கண்ட் மாநிலத்தை சேர்ந்த 2 ஏமாற்றுக்காரர்கள், வாடிக்கையாளர் சேவை மைய ஊழியர் போல பேசி பலருடைய வங்கிக் கணக்கிலிருந்து ரூபாய் 82 லட்சம் வரை நூதன முறையில் திருடிவருவது தெரியவந்துள்ளது. கடந்த மாதம் ஜனவரி 7 ஆம் தேதியன்று ஏமாற்றுக்காரர்களால் பாதிக்கப்பட்ட ஒரு நபர் போலீசில் புகார் அளித்துள்ளார்.
அந்த புகாரின் பெயரில் பாதிக்கப்பட்ட நபர் ‘மேக் மை டிரிப்’ தளத்தில் தனது பணத்தை திரும்ப பெறுவதற்காக வாடிக்கையாளர் சேவை மைய தொலைபேசி எண்ணை ஆன்லைனில் தேடி உள்ளார். அப்போது இந்த போலி ஏமாற்று கும்பலைச் சேர்ந்தவரின் தொலைபேசி எண்ணை வாடிக்கையாளர் சேவை மைய தொலைபேசி எண் என்று பதிவேற்றியுள்ளார். இதனை அடுத்து இந்த விஷயத்தை அறியாத பாதிக்கப்பட்ட நபர், அந்த வாடிக்கையாளர் சேவை மைய எண்ணை தொடர்பு கொண்டு அவரிடம் பேசியுள்ளார். அவரின் அறிவுறுத்தல் படி ஒரு படிவத்தை ஆன்லைனில் நிரப்பி கொடுத்துள்ளார்.
அதன்பின் ‘எனி டெஸ்க் மொபைல் ஆப்பை’ அவர் கூறியவாறு பதிவிறக்கம் செய்துள்ளார். மேலும் அவர் அனுப்பிய எஸ்.எம்.எஸ்-ஐயும் திறந்து படித்து, பின் அதில் உள்ள லிங்கை கிளிக் செய்து உள்ளார். இதனை அடுத்து பாதிக்கப்பட்ட நபருடைய வங்கிக் கணக்கிலிருந்து ரூ.4 லட்சம் அபகரிக்கப்பட்டது தெரியவந்தது. இதனைத் தொடர்ந்து விசாரணையில் ஈடுபட்ட போலீசார், சைபர் கிரைம் போலீசார் உதவியுடன் அபிலேஷ்குமார் (22) மற்றும் அவரின் கூட்டாளி ராஜு அன்சாரி (22) ஆகியோரை ஜார்க் கண்ட்டில் கைது செய்துள்ளனர். மேலும் இந்த விசாரணையில், இதேபோல இந்த ஏமாற்று கும்பல் பலரையும் ஏமாற்றி ரூ.22 லட்சம் வரை வாடிக்கையாளரின் வங்கிக் கணக்குகளில் இருந்து அபகரித்து உள்ளது தெரியவந்தது.