நீலகிரி மாவட்டம் மசினகுடி பகுதியில் சாலை சீரமைக்கும் பணியில் ஈடுபட்ட தொழிலாளர்களை தாக்க வந்த காட்டு யானையால் பரபரப்பு ஏற்பட்டது.
நீலகிரி மாவட்டம் மசினகுடி பகுதியில் ஜேசிபி இயந்திரம் கொண்டு சாலையை சீரமைக்கும் பணியில் தொழிலாளர்கள் ஈடுபட்டு கொண்டிருந்தனர். அப்போது அங்கு வந்த காட்டு யானை ஒன்று அவர்களை திடீரெனத் தாக்கும் வகையில் ஓடிவந்தது.
இதனைப் பார்த்து அதிர்ந்து போன அவர்கள் ஜேசிபி இயந்திரம் மூலம் யானையை தடுத்தனர். இதனால் பயந்துபோன அந்த யானை திரும்பி சிறிது தூரம் சென்ற நிலையில் பின் மீண்டும் அவர்களை நோக்கி ஓடிவந்தது. இதனையடுத்து தொழிலாளர்கள் மீண்டும் ஜேசிபி இயந்திரம் மூலம் சத்தம் எழுப்பவே அங்கிருந்து அகன்று சென்றது. இதனையடுத்து தொழிலாளர்கள் நிம்மதி அடைந்து பெருமூச்சு விட்டபடி சாலை சீரமைப்பு பணியில் ஈடுபட்டனர்.