கட்டுப்பாட்டை இழந்த லோடு ஆட்டோ மோதிய விபத்தில் மரத்தடியில் நின்று கொண்டிருந்த வியாபாரி உயிரிழந்த சம்பவம் சோகத்தை ஏற்படுத்தியுள்ளது.
தென்காசி மாவட்டத்திலுள்ள வாசுதேவநல்லூர் பிள்ளையார் கோவில் தெருவில் வியாபாரியான சாமி என்பவர் வசித்து வந்துள்ளார். இவர் சங்கரன்கோவில்- நெல்லை சாலையில் இருக்கும் ஒரு மரத்தடியில் நின்று கொண்டிருந்தார். அப்போது விஜயகுமார் என்பவர் ஓட்டி வந்த லோடு ஆட்டோ கட்டுப்பாட்டை இழந்து சாமி மீது பயங்கரமாக மோதியது.
இந்த விபத்தில் படுகாயமடைந்த சாமியை அருகில் உள்ளவர்கள் மீட்டு மருத்துவமனைக்கு சிகிச்சைக்காக அனுப்பி வைத்தனர். ஆனால் அங்கு அளிக்கப்பட்ட சிகிச்சை பலனின்றி சாமி பரிதாபமாக உயிரிழந்துவிட்டார். இதுகுறித்து வழக்குப்பதிவு செய்த காவல்துறையினர் தீவிர விசாரணை மேற்கொண்டு வருகின்றனர்.