பாம்பு கடித்து விவசாயி உயிரிழந்த சம்பவம் சோகத்தை ஏற்படுத்தியுள்ளது.
திருவண்ணாமலை மாவட்டத்திலுள்ள தேவனந்தல் கிராமத்தில் விஜயகுமார் என்பவர் வசித்து வந்துள்ளார். இவர் விவசாயம் செய்து வந்துள்ளார். இவருக்கு நந்தினி என்ற மனைவி உள்ளார். இந்த தம்பதியினருக்கு முகுந்தன் என்ற உள்ளார். இந்நிலையில் விஜயகுமார் கடந்த 17-ஆம் தேதி வீட்டில் சாப்பிட்டு விட்டு வெளியில் வந்த போது பாம்பு கடித்து மயங்கி விழுந்துள்ளார்.
இதனை பார்த்து அதிர்ச்சி அடைந்த அவரது குடும்பத்தினர் விஜயகுமாரை உடனடியாக மீட்டு திருவண்ணாமலை அரசு மருத்துவமனையில் சிகிச்சைக்காக அனுமதித்தனர். அங்கு அளிக்கப்பட்ட சிகிச்சை பலனின்றி விஜயகுமார் பரிதாபமாக உயிரிழந்தார். மேலும் இதுகுறித்து வழக்கு பதிவு செய்த கீழ்பென்னாத்தூர் காவல்துறையினர் விசாரணை மேற்கொண்டு வருகின்றனர்.