தமிழகத்தில் 21 மாநகராட்சிகள், 138 நகராட்சிகள், 489 பேரூராட்சிகள் என்று 648 நகர்ப்புற உள்ளாட்சி அமைப்புகளில் 12 ஆயிரத்து 601 பதவியிடங்களுக்கு (பிப்.19) ஒரே கட்டமாக தேர்தல் நடைபெற்றது. இந்த தேர்தலுக்கான வாக்கு எண்ணிக்கை இன்று (பிப்.22) காலை 8 மணி அளவில் தொடங்கும் என்று தேர்தல் ஆணையம் அறிவித்திருந்தது.
அதன்படி சென்னையில் 200 வார்டுகளில் பதிவான வாக்குகள் 15 மையங்களில் எண்ணப்படுகிறது. வாக்கு எண்ணிக்கை மையங்களில் பலத்த போலீஸ் பாதுகாப்பு போடப்பட்டுள்ளது. வாக்கு எண்ணிக்கை அலுவலர்கள், வேட்பாளர்களின் முகவர்களுக்கு மட்டும் அனுமதி வழங்கப்பட்டுள்ளது. இன்று காலை 8 மணி முதலில் தபால் வாக்குகள் எண்ணப்படுகிறது.
தற்போதைய நிலவரப்படி, தாரமங்கலம் நகராட்சியில் மொத்தம் உள்ள 27 இடங்களில் 5 இடங்களுக்கான முன்னிலை விவரம் வெளியாகி உள்ளது. பாமக வேட்பாளர்கள் 4 இடங்களிலும், சுயேச்சை வேட்பாளர் ஒரு இடத்திலும் முன்னிலையில் உள்ளனர். இந்த போட்டியில் திமுக, அதிமுக பின்தங்கியுள்ளது.