சூப்பரா ஜெயிச்ச புது கட்சி…!  தமிழகத்திற்குள் வந்துட்டு… கலக்கும் அசாதுதீன் ஓவைசி கட்சி ..!!

தமிழகத்தில் நகர்ப்புற உள்ளாட்சி தேர்தலில் பதிவான வாக்குகள் எண்ணப்பட்டு, இன்று  முடிவுகள் அறிவிப்பு. மின்னணு வாக்குபதிவு எந்திரங்களில் பதிவான வாக்குகள் காலை 8 மணி முதல், 808 மையங்களில் எண்ணப்படுகின்றன. சென்னையில் 3 அடுக்கு போலீஸ் பாதுகாப்புடன் 15 மையங்களில் வாக்கு எண்ணிக்கை தொடங்கி, அறிவிக்கப்பட்டு வருகின்றது.

தமிழகத்தில் 648 நகர்ப்புற உள்ளாட்சி அமைப்புகளுக்கு நடந்த தேர்தலில் 60.70 சதவீத வாக்குகள் பதிவாகின. வாக்கு எண்ணும் மையங்களில் 40 ஆயிரத்து 910 காவலர்கள் பாதுகாப்பு பணியில் ஈடுபட்டுள்ளனர். வாக்கு எண்ணிக்கை முடிந்தபின் பிரச்சனைகள் ஏற்படாமல் தடுக்க 60 ஆயிரம் போலீசார் கண்காணிப்பில் ஈடுபட்டவுள்ளனர். வாக்கு எண்ணிக்கை மையங்களில் 11 ஆயிரத்து 797 சிசிடிவி கேமராக்கள் கண்காணிக்கின்றன.

இதில் 218 இடங்களில் வேட்பாளர்கள் போட்டியின்றி தேர்வாகி இருக்கின்றார்கள். இந்த நிலையில்  தற்போதைய நிலவரப்படி திமுகவே முன்னணி வகுக்கின்றது. அதே போல ஏ.ஐ.ஐ.எம் கட்சி சார்பில் போட்டியிட்ட வழக்கறிஞர் நபிலா அகமது வெற்றி பெற்றார். வாணியம்பாடி நகராட்சி 19வது வார்டில் அசாதுதீன் ஓவைசி கட்சி சார்பில் போட்டியிட்ட பெண் வெற்றி பெற்றார்.