காட்டு யானைகள் ரேஷன் கடையை உடைத்து சேதப்படுத்திய சம்பவம் பொதுமக்களிடையே அச்சத்தை ஏற்படுத்தியுள்ளது.
கோயம்புத்தூர் மாவட்டத்திலுள்ள வால்பாறை மற்றும் அதனை சுற்றியுள்ள வனப்பகுதியில் ஏராளமான வனவிலங்குகள் வாழ்ந்து வருகின்றன. இந்நிலையில் குட்டியுடன் வனப்பகுதியில் இருந்து வெளியேறிய 7 காட்டு யானைகள் இரவு நேரத்தில் எஸ்டேட் பகுதிக்குள் நுழைந்துவிட்டது. இதனை அடுத்து காட்டு யானைகள் ரேஷன் கடையை உடைத்து சேதப்படுத்தியுள்ளது.
அதன்பின் ரேஷன் அரிசியை தின்றும், தூக்கி வீசியும் யானைகள் அட்டகாசம் செய்துள்ளது. இதுகுறித்து தகவலறிந்த வனத்துறையினர் சம்பவ இடத்திற்கு விரைந்து சென்று அட்டகாசம் செய்த காட்டு யானைகளை வனப்பகுதிக்குள் விரட்டியடித்தனர். மேலும் வனத்துறையினர் தீவிர கண்காணிப்பு பணியில் ஈடுபட்டுள்ளனர்.