தமிழ்நாடு அரசுப் பணியாளர் தேர்வாணையம் நடத்தும் போட்டித் தேர்வுகளில் வெற்றி பெறுவோர் அரசு பணிகளில் நியமிக்கப்படுகிறார்கள். அதுமட்டுமல்லாமல் அரசு பணிகளிலுள்ள பதவிகளின் அடிப்படையில் குரூப் 1, குரூப் 2, குரூப் 3, குரூப் 4 மற்றும் குரூப் 5,6,7,8 உள்ளிட்ட தேர்வுகளை டிஎன்பிஎஸ்சி நடத்தி வருகிறது.
கடந்த ஆண்டு கொரோனா பெருந்தொற்று காரணமாக அனைத்து போட்டித் தேர்வுகளும் நிறுத்தி வைக்கப்பட்டது. தற்போது கொரோனா பரவலின் தாக்கம் குறைந்து வரும் நிலையில் டிஎன்பிஎஸ்சி தேர்வாணையம் இந்த வருடத்துக்கான தேர்வு அறிவிப்புகளை வெளியிட்டு வருகிறது.
இந்நிலையில் டிஎன்பிஎஸ்சி குரூப் 1 முதன்மை தேர்வு 04/03/2022, 05/03/2022 மற்றும் 06/03/2022 ஆகிய நாட்களில் சென்னை தேர்வு மையத்தில் நடைபெறும் என்று அறிவிக்கப்பட்டுள்ளது. விண்ணப்பதாரர்கள் ஹால் டிக்கெட்டை www.tnpsc.gov.in மற்றும் www.tnpscexams.in ஆகிய இணையதளங்களில் விண்ணப்ப எண் மற்றும் பிறந்த தேதியை உள்ளீடு செய்து நுழைவுச் சீட்டை (ஹால் டிக்கெட்) பதிவிறக்கம் செய்து கொள்ளலாம். குரூப்-1 பணிகளுக்கான நேரடி நியமன அறிவிப்பு ஜனவரி 20, 2020 அன்று வெளியிடப்பட்டது குறிப்பிடத்தக்கது.