ராமர் பாலத்தின் மீதான வழக்கிற்கு தற்போது முக்கிய முடிவெடுக்கப்பட்டுள்ளது.
இராம சேது பாலத்தை தேசிய பாரம்பரிய சின்னமாக அறிவிக்க கோரி சுப்பிரமணியன் சுவாமி தொடர்ந்த வழக்கில் நீதிமன்றம் தற்போது முக்கிய முடிவை எடுத்துள்ளது. பழங்கால நினைவுச் சின்னம் இந்திய தொல்பொருள் சட்டத்தின்கீழ் ராமர் சேது பாலத்தை தேசிய நினைவுச் சின்னமாக அறிவிக்க கோரி உச்சநீதிமன்றத்தில் வழக்கு தொடர்ந்திருந்தார்.
இந்த வழக்கை விரைந்து விசாரிக்க வேண்டும் என அவர் தலைமை நீதிபதிஎன்.வி. ரமணா அமர்வில் முறையீடு செய்திருந்தார். இதனைத் தொடர்ந்து வழக்கை வருகிற மார்ச் 9ஆம் தேதி விசாரிக்க நீதிமன்றம் உத்தரவிட்டுள்ளது. முன்னதாக சேது சமுத்திரத் திட்டத்துக்காக ராமர் பாலத்தை இடிக்க வேண்டாம் எனவும் ராமர் பாலத்தை தேசிய பாரம்பரிய சின்னமாக அறிவிக்க வேண்டும் எனவும் மறைந்த முன்னாள் முதலமைச்சர் ஜெயலலிதா வலியுறுத்தி உள்ளார் என்பது குறிப்பிடத்தக்கதாகும்.