ஆடுகளை திருடிய 2 பேரை காவல்துறையினர் கைது செய்துள்ளனர்.
திருவண்ணாமலை மாவட்டத்திலுள்ள புளியங்காடு பகுதியில் 2 ஆடுகள் மேய்ச்சலுக்காக கட்டப்பட்டிருந்தது. அப்போது மோட்டார் சைக்கிளில் வந்த 2 வாலிபர்கள் மேய்ந்து கொண்டிருந்த 2 ஆடுகளையும் திருடி சென்றுவிட்டனர். இதனைப் பார்த்த தோட்ட உரிமையாளர் சுரேஷ் இதுகுறித்து காவல்துறையினருக்கு தகவல் தெரிவித்துள்ளார்.
அந்த தகவலின் படி சம்பவ இடத்திற்கு விரைந்து சென்ற காவல்துறையினர் பொதுமக்கள் உதவியுடன் மோட்டார் சைக்கிளில் சென்றவர்களை மடக்கி பிடித்து விசாரணை நடத்தினர். அந்த விசாரணையில் அவர்கள் ஆதிதிராவிடர் காலனியில் வசிக்கும் சங்கர், மோகன் என்பது காவல்துறையினருக்கு தெரியவந்துள்ளது. மேலும் இதுகுறித்து வழக்கு பதிவு செய்த காவல்துறையினர் இருவரையும் கைது செய்ததோடு அவர்களிடமிருந்து ஆடுகள் மற்றும் மோட்டார் சைக்கிள் ஆகியவற்றை பறிமுதல் செய்தனர்.