மீன் பிடிக்க சென்ற நண்பர்கள் தண்ணீரில் மூழ்கி உயிரிழந்த சம்பவம் சோகத்தை ஏற்படுத்தியுள்ளது.
கிருஷ்ணகிரி மாவட்டத்தில் உள்ள தளி அத்தலவாடி சாலையில் கூலி தொழிலாளியான ராஜப்பா என்பவர் வசித்து வந்துள்ளார். இவர் தனது நண்பரான நாகராஜ் என்பவருடன் தளி பெரிய ஏரிக்கு மீன்பிடிப்பதற்காக சென்றுள்ளார். இந்நிலையில் ஆழமான பகுதிக்கு சென்றதால் எதிர்பாராதவிதமாக ராஜப்பாவும், நாகராஜும் தண்ணீரில் மூழ்கிவிட்டனர். இதனை பார்த்த பொதுமக்கள் உடனடியாக தீயணைப்பு துறையினருக்கு தகவல் தெரிவித்தனர். அந்த தகவலின்படி சம்பவ இடத்திற்கு விரைந்து சென்ற தீயணைப்பு வீரர்கள் 1 மணி நேர போராட்டத்திற்கு பிறகு ராஜப்பாவின் சடலத்தை மீட்டனர்.
ஆனால் நாகராஜை மீட்க முடியவில்லை. இதனையடுத்து காவல்துறையினர் ராஜப்பாவின் சடலத்தை கைப்பற்றி அரசு மருத்துவமனைக்கு பிரேத பரிசோதனைக்காக அனுப்பி வைத்துள்ளனர். மேலும் இதுகுறித்து வழக்குப்பதிவு செய்த காவல்துறையினர் தீவிர விசாரணை மேற்கொண்டு வருகின்றனர்.