தொழிலாளியை தாக்கிய 2 வாலிபர்களை காவல்துறையினர் கைது செய்துள்ளனர்.
தூத்துக்குடி மாவட்டத்தில் உள்ள எஸ்.எம்.புரம் பகுதியில் முருகையா என்பவர் வசித்து வருகிறார். இவருக்கு சரவணகுமார் என்ற மகன் இருந்துள்ளார். இவர் நகர்ப்புற உள்ளாட்சி தேர்தலில் ஒரு கட்சி வேட்பாளருக்கு ஆதரவாக செயல்பட்டுள்ளார்.
இதனால் ஆத்திரமடைந்த மற்றொரு கட்சி வேட்பாளரின் ஆதரவாளர்களான ஜூடு மார்சல் அஸ்வின் மற்றும் ஆரோக்ய ஜெகன் ஆகிய இருவரும் வீட்டில் இருந்த சரவணக்குமாரை சரமாரியாக தாக்கினர். இதுகுறித்து சரவண குமார் தென்பாகம் காவல்நிலையத்தில் புகார் அளித்துள்ளார். அந்த புகாரின் பேரில் வழக்கு பதிவு செய்த காவல்துறையினர் ஜூடு மார்சல் அஸ்வின் மற்றும் ஆரோக்ய ஜெகன் ஆகிய இருவரையும் கைது செய்துள்ளனர்.