நடந்து முடிந்த உள்ளாட்சி தேர்தலில் அதிக வாக்குகள் வித்தியாசத்தில் வெற்றி பெற்ற பெருமையை தி.மு.க. வை சேர்ந்த பெண் வேட்பாளர் பெற்றுள்ளார்.
சென்னை மாநகராட்சியில் கடந்த 21-ம் தேதி 200 வார்டுகளுக்கான தேர்தல் முடிவுகள் வெளியிடப்பட்டுள்ளது. இந்த தேர்தல் முடிவுகளில் தி.மு.க.வினர் பெரும்பான்மை இடங்களை கைப்பற்றியுள்ளனர். இந்நிலையில் கொளத்தூர் பகுதியில் 67-வது வார்டில் தி.மு.க சார்பில் தாவூத்பீ என்ற பெண் வேட்பாளராக போட்டியிட்டுள்ளார். இவர் தன்னை எதிர்த்து போட்டியிட்ட அ.தி.மு.க கட்சியின் வேட்பாளரை விட 11,340 ஓட்டுகள் வித்தியாசத்தில் வெற்றி பெற்றுள்ளார்.
மேலும் அதிக ஓட்டுகள் வித்தியாசத்தில் வெற்றி பெற்ற வேட்பாளர் என்ற பெருமையையும் இவர் பெற்றுள்ளார். இதனையடுத்து அண்ணாநகர் பகுதியில் 97-வது வார்டில் தி.மு.க சார்பில் லதா என்பவர் வேட்பாளராக போட்டியிட்டுள்ளார். இவர் தன்னை எதிர்த்துப் போட்டியிட்ட அ.தி.மு.க வேட்பாளரை விட 10,999 ஓட்டுகள் வித்தியாசத்தில் வெற்றி பெற்று இரண்டாவது அதிக வாக்குகள் பெற்ற வேட்பாளர் என்ற பெருமையை பெற்றுள்ளார்.