வீட்டின் பூட்டை உடைத்து 6 3/4 பவுன் தங்க நகையை திருடிச் சென்ற மர்ம நபர்களை காவல்துறையினர் தீவிரமாக தேடி வருகின்றனர்.
சிவகங்கை மாவட்டத்தில் உள்ள அரசனூர் கிராமத்தில் புகழேந்தி என்பவர் வசித்து வருகிறார். இவர் வீட்டின் கதவை பூட்டி விட்டு வேலைக்கு சென்று விட்டார். இதையடுத்து திரும்பி வந்து பார்த்தபோது வீட்டின் கதவு உடைக்கப்பட்டு இருந்ததை கண்டு புகழேந்தி அதிர்ச்சி அடைந்தார்.
அதன் பின்னர் உள்ளே சென்று பார்த்தபோது லாக்கரில் இருந்த 6 3/4 பவுன் தங்க நகை மற்றும் 40 ஆயிரம் ரூபாய் பணத்தை மர்ம நபர்கள் திருடிச் சென்றது தெரியவந்துள்ளது. இதுகுறித்து புகழேந்தி காவல்நிலையத்தில் புகார் அளித்துள்ளார். அந்தப் புகாரின் பேரில் வழக்குப்பதிவு செய்த காவல்துறையினர் நகையை திருடிய மர்ம நபர்கள் குறித்து தீவிர விசாரணை மேற்கொண்டு வருகின்றனர்.