லாரி மீது மோட்டார் சைக்கிள் மோதிய விபத்தில் வாலிபர் உயிரிழந்த சம்பவம் சோகத்தை ஏற்படுத்தியுள்ளது.
சிவகங்கை மாவட்டத்தில் உள்ள ஆயுதப்படை காவல் நிலையத்தில் மதுரையை சேர்ந்த அலெக்ஸ்பாண்டி என்பவர் பணிபுரிந்து வந்துள்ளார். இவர் சமத்துவபுரம் அருகே மோட்டார் சைக்கிளில் வந்து கொண்டிருந்தார். அப்போது திடீரென அலெக்ஸ்பாண்டியின் மோட்டார் சைக்கிள் சாலையில் நிறுத்தப்பட்டிருந்த லாரி மீது பலமாக மோதியது. இந்த விபத்தில் படுகாயம் அடைந்த அலெக்ஸ்பாண்டியன் சம்பவ இடத்திலேயே பரிதாபமாக உயிரிழந்துவிட்டார்.
இதுகுறித்து தகவலறிந்த காவல்துறையினர் சம்பவ இடத்திற்கு விரைந்து சென்று அலெக்ஸ்பாண்டியின் சடலத்தை கைப்பற்றி பிரேத பரிசோதனைக்காக அனுப்பி வைத்துள்ளனர். இது குறித்து வழக்குப்பதிவு செய்த காவல்துறையினர் லாரி ஓட்டுனர் ஆறுமுகத்தை கைது செய்து தீவிர விசாரணை மேற்கொண்டு வருகின்றனர்.