மொபட் மீது அரசு பேருந்து மோதிய விபத்தில் வியாபாரி உயிரிழந்த சம்பவம் சோகத்தை ஏற்படுத்தியுள்ளது.
தென்காசி மாவட்டத்திலுள்ள சுரண்டை அழகாபுரிபட்டணம் பள்ளிக்கூட தெருவில் முருகையா என்பவர் வசித்து வருகிறார். இதற்கு வெங்கடாசலம் என்ற மகன் இருந்துள்ளார். இவர் மிளகாய் வத்தல் மற்றும் பூண்டு மொத்த வியாபாரம் செய்து வந்துள்ளார். இந்நிலையில் வெங்கடாச்சலம் சுரண்டை-சேர்ந்தமரம் ரோட்டில் மொபட்டில் சென்று கொண்டிருந்தார். அப்போது புளியங்குடி நோக்கி வேகமாக சென்ற அரசு பேருந்து வெங்கடாசலத்தின் மொபட் மீது பயங்கரமாக மோதியது.
இந்த விபத்தில் படுகாயமடைந்த வெங்கடாசலம் சம்பவ இடத்திலேயே பரிதாபமாக இறந்துவிட்டார். இது குறித்து தகவல் அறிந்த காவல்துறையினர் சம்பவ இடத்திற்கு விரைந்து சென்று வெங்கடாசலத்தின் சடலத்தை கைப்பற்றி அரசு மருத்துவமனைக்கு பிரேத பரிசோதனைக்காக அனுப்பி வைத்துள்ளனர். மேலும் இதுகுறித்து வழக்குப்பதிவு செய்த காவல்துறையினர் தீவிர விசாரணை மேற்கொண்டு வருகின்றனர்.