குடிக்க பணம் தராததால் பேரன் பாட்டியை தாக்கிய சம்பவம் பரபரப்பை ஏற்படுத்தியுள்ளது.
திருவண்ணாமலை மாவட்டத்தில் உள்ள பூசிமலைகுப்பம் கிராமத்தில் கோவிந்தம்மாள் என்பவர் வசித்து வருகிறார். இவருக்கு சிலம்பரசன் என்ற பேரன் உள்ளார். இந்நிலையில் சிலம்பரசன் மது குடிப்பதற்காக கோவிந்தம்மாலிடம் பணம் கேட்டு தகராறு செய்துள்ளார். இந்நிலையில் கோவிந்தம்மாள் பணம் கொடுக்காததால் ஆத்திரமடைந்த சிலம்பரசன் அருகில் இருந்த இரும்பு கம்பியால் கோவிந்தமாலை சரமாரியாக தாக்கியுள்ளார்.
இதில் படுகாயம் அடைந்த கோவிந்தமாலை அருகில் இருந்தவர்கள் மீட்டு சிகிச்சைக்காக அரசு மருத்துவமனையில் அனுமதித்துள்ளனர். அங்கு அவருக்கு தீவிர சிகிச்சை அளிக்கப்பட்டு வருகிறது. இதுகுறித்து கோவிந்தமாலின் மகன் தங்கப்பன் காவல் நிலையத்தில் புகார் அளித்துள்ளார். அந்தப் புகாரின் பேரில் வழக்கு பதிவு செய்த காவல்துறையினர் சிலம்பரசனை கைது செய்து சிறையில் அடைத்துள்ளனர்.