மான்களை பிடித்த 3 பேரை காவல்துறையினர் கைது செய்துள்ளனர்.
திருவண்ணாமலை மாவட்டத்தில் உள்ள அடி அண்ணாமலை காப்பு காட்டில் சில மர்ம நபர்கள் மான்களை வேட்டையாடுவதாக வனத்துறையினருக்கு ரகசிய தகவல் கிடைத்துள்ளது. அந்த தகவலின்படி வனத்துறையினர் சம்பவ இடத்திற்கு சென்று சோதனை செய்தனர். அந்த சோதனையில் மான்களை வேட்டையாடுவது உறுதியானது.
இதனையடுத்து மான்களை வேட்டையாடிய பிரகாஷ், படையப்பா, தீபராஜ் ஆகியோரை கைது செய்துள்ளனர். இதுகுறித்து வழக்குப்பதிவு செய்த காவல்துறையினர் அவர்களிடம் இருந்த 2 மோட்டார் சைக்கிள் இரண்டு துப்பாக்கிகள் ஆகியவற்றை பறிமுதல் செய்துள்ளனர். மேலும் தப்பி ஓடிய 2 பேரை காவல்துறையினர் தீவிரமாக தேடி வருகின்றனர்.