வினோத் இயக்கத்தில் வலிமை படத்தை தொடர்ந்து அடுத்த படத்திலும் வினோத் இயக்கத்தில் அஜித் நடிக்க உள்ளார்.
தமிழ் சினிமாவின் முன்னணி நடிகரான அஜித், வினோத் இயக்கத்தில் வலிமை படத்தில் நடித்துள்ளார். போனி கபூர் திரைப்படத்தை தயாரித்துள்ளார். மேலும் யுவன் சங்கர் ராஜா இசையமைத்து இருக்கிறார். அஜித் திரைப்படங்கள் கடந்த இரண்டு வருடங்களாக வெளியாகாத நிலையில் தற்போது வலிமை படம் ரிலீசாகி உள்ளது. இதனை ரசிகர்கள் கோலாகலமாக திருவிழாவாக கொண்டாடி வருகின்றனர். ரசிகர்கள், திரைப் பிரபலங்கள் என அனைவரும் வலிமை படக்குழுவுக்கு வாழ்த்துக்களை கூறி வருகின்றனர்.இத்திரைப்படமானது தமிழ், தெலுங்கு, இந்தி, கன்னடம் உள்ளிட்ட 4 மொழிகளில் வெளியாகி இருக்கின்றது. வலிமை திரைப்படம் விடுமுறை இல்லாத நாளில் வெளியாகிய நிலையில் மற்ற திரைப்படங்களின் கலெக்சன்களைவிட இப்படத்தின் வசூல் அதிகமாக இருக்கின்றது.
வலிமை படக்குழுவே அஜித்தின் ஏகே 61 திரைப்படத்தையும் உருவாக்குகின்றது. இந்நிலையில் ஏகே 61 திரைப்படத்தின் படப்பிடிப்புக்காக படக்குழுவினர் தீவிரமாக ஈடுபட்டுள்ளனர். இத்திரைப்படத்தின் முதல்கட்ட படப்பிடிப்பு அடுத்த மாதம் ஹைதராபாத்தில் ஆரம்பிக்க உள்ளதாக தகவல்கள் வெளிவந்துள்ளன. இப்படத்தில் கதாநாயகியாக தபு நடிக்க உள்ளார். மேலும் முக்கிய வேடத்தில் மோகன்லால் நடிக்கவுள்ளார். இத்திரைப்படத்தில் அஜித் ஹீரோ மற்றும் வில்லன் கதாபாத்திரத்தில் நடிக்க இருப்பதாக தகவல் வெளிவந்துள்ளன. இத்திரைப்படத்தில் அஜித் வில்லன் கதாபாத்திரத்தில் நடிக்க இருப்பதாக புகைப்படங்கள் வந்திருந்த நிலையில் தற்போது அவரே ஹீரோவாகவும் நடிக்க இருப்பதாக தகவல் வந்திருக்கின்றன. இதனால் இப்படத்திற்காக ரசிகர்கள் ஆர்வமுடன் காத்திருக்கின்றனர்.