மொபைல் பேங்கிங் மூலம் அஞ்சல் கோட்டத்தில் பணம் பரிவர்த்தனை செய்யலாம் என அதிகாரி தெரிவித்துள்ளார்.
திருப்பத்தூர் மாவட்டத்தில் உள்ள அஞ்சல் கோட்டத்தில் அனைத்து அங்கங்களிலும் மொபைல் பேங்கிங், ஏ.டி.எம், இன்டர்நெட் மூலமாக பணம் பரிவர்த்தனை செய்யலாம். இதில் வங்கி கணக்கிலிருந்து அஞ்சலக சேமிப்பு கணக்கிற்கு இணைய வழி மூலமாக பணம் பரிமாற்றம் செய்து கொள்ளும் வசதியும் ஏற்படுத்தப்பட்டுள்ளது.
இதனையடுத்து இந்த திட்டத்தின் மூலமாக கிராமப்புற பகுதிகளில் வசிக்கின்ற பெண்கள், மூத்த குடிமக்கள் மற்றும் விவசாயிகள் பயன்பெறலாம். இதனைத் தொடர்ந்து அரசின் வழிகாட்டுதலின் படி அருகில் இருக்கும் அஞ்சலகத்தில் சேமிப்புக் கணக்கை தொடங்கி எளிய முறையில் பண பரிவர்த்தனை செய்து கொள்ளலாம். மேலும் அஞ்சலக சேமிப்புத் திட்டத்தில் இணைந்து பயன் பெறலாம். இந்த வாய்ப்பை அனைவரும் பயன்படுத்திக் கொள்ளலாம் என அதிகாரி கூறியுள்ளனர்.