அஜித் நடித்த வலிமை திரைப்படத்தின் கதையை வினோத் எழுதவில்லை என்ற செய்தி இணையத்தில் பரவி வருகின்றது.
தமிழ் சினிமாவின் முன்னணி நடிகர் அஜித்குமார். இவரின் நடிப்பில் கடந்த இரண்டு வருடங்களாக படங்கள் வெளியாகாத நிலையில் இவரின் படம் எப்போது ரிலீஸ் ஆகும் என ரசிகர்கள் ஆர்வமுடன் காத்திருந்தனர். இவரின் நடிப்பில் உருவாகியிருக்கும் வலிமை திரைப்படம் பொங்கலுக்கு ரிலீசாகும் என எதிர்பார்க்கப்பட்ட நிலையில் கொரோனா காரணமாக ரிலீஸ் தள்ளிப்போனது. இந்நிலையில் கடந்த பிப்ரவரி 24ஆம் தேதி திருவிழா போல் கோலாகலமாக ரிலீஸ் ஆகியது. இதனை ரசிகர்கள் மகிழ்ச்சியுடன் கொண்டாடி வருகின்றனர். இத்திரைப்படத்தை வினோத்குமார் இயக்கியிருந்தார். போனிகபூர் தயாரித்தார். இப்படத்தில் அஜித்துக்கு ஜோடியாக ஹீமா குரேஷி நடித்து இருக்கின்றார். மேலும் படத்திற்கு யுவன் சங்கர் ராஜா இசையமைத்துள்ளார்.
இத்திரைப்படமானது ரசிகர்கள் மத்தியில் நல்ல வரவேற்பை பெற்றிருந்தாலும் சில விமர்சனங்களையும் பெற்று இருக்கத்தான் செய்கின்றது . வலிமை படத்தின் நீளம் அதிகமாக இருப்பதாக விமர்சனம் வந்த நிலையில் படத்தின் 14 நிமிட காட்சிகள் படத்தில் இருந்து நீக்கப்பட்டது. இந்நிலையில் வலிமை திரைப்படத்தின் கதையை அஜித்தான் வினோத்திடம் சொன்னாராம். அஜித் முதலில் வலிமையை திரைப்படம் குறித்து ஒரு வரி கதையை கூறினாராம் கதையானது வினோத்துக்கு மிகவும் பிடித்துப்போக அதை கதையாக எழுதினாராம். நேர்கொண்ட பார்வை திரைப்படத்தின் போதே படத்தின் கதை தொடங்கிவிட்டதாம். இச்செய்தியானது இணையதளத்தில் அதிகமாக பகிரப்பட்டு வருகின்றது. ஆனால் இதுகுறித்த அதிகாரப்பூர்வமான தகவல் இதுவரையில் வெளிவரவில்லை.