ரஷ்ய படையெடுப்பால் வெளியேறும் உக்ரைன் அகதிகள் எண்ணிக்கை விரைவில் 10 லட்சத்தை எட்டும் என ஐநா சபை தெரிவித்துள்ளது.
ரஷ்யாவின் படையெடுப்பால் உக்ரைனில் நாளுக்கு நாள் போர் வலுத்து கொண்டே வருகிறது. இதனால் உயிரை காத்துக் கொள்வதற்காகவே மக்கள் வெளியேறி அண்டை நாடுகளில் தஞ்சம் புகுந்து வருகின்றனர். இந்த எண்ணிக்கை தற்போது 8.24 லட்சமாக இருப்பதாகவும் இது விரைவில் 10 லட்சத்தை எட்டும் எனவும் ஐ.நா அகதிகள் நிறுவனம் கவலை தெரிவித்துள்ளது.
இதுபற்றி அந்த அமைப்பின் செய்தி தொடர்பாளர் கூறுகையில், கடந்த ஒன்றாம் தேதியில் இருந்து மட்டுமே உக்ரைனின் அண்டை நாடுகளுக்கு சென்று வரும் உக்ரைன் அகதிகளின் எண்ணிக்கை 2 லட்சத்தை கடந்திருக்கிறது. அகதிகள் பிரச்சனை இந்த நூற்றாண்டின் மிகப்பெரும் அகதிகள் நெருக்கடியாக இருக்கும் என நேற்று முன்தினம் அவர் கூறியது குறிப்பிடத்தக்கதாகும். சுமார் 40 லட்சம் பேர் அகதிகளாக வெளியேற கூடும் என அறிவித்துள்ள நிலையில் தற்போது இந்த எண்ணிக்கை மறுமதிப்பீடு செய்ய இருப்பதாக கூறியுள்ளது.
உக்ரைன் அகதிகள் அதிகபட்சமாக சுமார் 4.54 லட்சம் பேர் போலந்திலும் தஞ்சம் புகுந்துள்ளனர். மேலும் ஹங்கேரி, மால்டோவா, ஐரோப்பிய ,ஸ்லோவேகியா போன்ற நாடுகளுக்கும் பல ஆயிரம் பேர் தஞ்சம் புகுந்து இருப்பதாக கூறப்பட்டுள்ளது.