மோட்டார் சைக்கிளில் சென்று கொண்டிருந்தபோது லாரி மோதி விவசாயி உயிரிழந்த சம்பவம் பெரும் சோகத்தை ஏற்படுத்தியுள்ளது
புதுக்கோட்டை மாவட்டம், அரிமளம் அருகில் நாட்டாம்பட்டி கிராமத்தில் விவசாயி அடைக்கலம்(50) என்பவர் வசித்து வந்தார் . இவர் அதே பகுதியை சேர்ந்த காசி(50) என்பவருடைய மோட்டார் சைக்கிளில் பின்னாடி அமர்ந்து அரிமளம்-புதுப்பட்டி ரோட்டில் சென்று கொண்டிருந்தார். அப்போது எதிர்பாராதவிதமாக பின்னால் வந்த லாரி மோட்டார் வாகன மீது பயங்கரமாக மோதியது.
இதில் தூக்கி வீசப்பட்ட அடைக்கலம் சம்பவ இடத்திலேயே பரிதாபமாக உயிரிழந்தார். இந்த விபத்தில் படுகாயமடைந்த காசி அறந்தாங்கி அரசு மருத்துவமனைக்கு கொண்டு செல்லப்பட்டார். இதுகுறித்து புதுப்பட்டி காவல் துறையினர் வழக்குப் பதிந்து விசாரணை மேற்கொண்டு வருகின்றனர். இச்சம்பவம் அப்பகுதியில் பெரும் சோகத்தை ஏற்படுத்தி உள்ளது