குடும்பத்துடன் கோவிலுக்கு சென்ற பக்தர்…. குளத்தில் நேர்ந்த விபரீதம்…. ராமந்தபுரத்தில் நடந்த சோகம்….!!

கோவில் குளத்தில் குளிக்க சென்ற பக்தர் நீரில் மூழ்கி உயிரிழந்த சம்பவம் அப்பகுதியில் சோகத்தை ஏற்படுத்தியுள்ளது.

கோவை மாவட்டம் பொள்ளாச்சியில் கணேசன் என்பவர் வசித்து வருகிறார். இவர் தனது மனைவி மாரியம்மாள் மற்றும் குடும்பத்தினருடன் ராமநாதபுரம் மாவட்டம் பனைக்குளத்தில் உள்ள கோவிலுக்கு மாசி திருவிழா கொண்டாடுவதற்காக சென்றுள்ளார். இந்நிலையில் கோயில் அருகே உள்ள குளத்திற்கு குளிக்க சென்ற கணேசன் வெகு நேரமாகியும் திரும்பவில்லை.

இதனால் சந்தேகம் அடைந்த அவரது குடும்பத்தினர் தீயணைப்பு துறையினருக்கு தகவல் தெரிவித்துள்ளனர். தகவல் அறிந்து சம்பவ இடத்திற்கு விரைந்து சென்ற தீயணைப்பு வீரர்கள் சுமார் 1 1/2மணி நேரம் குளத்தில் தேடி நீரில் மூழ்கிய கணேசனை பிணமாக மீட்டனர். இதனையடுத்து அவரது உடலை மீட்டு உடற்கூறு ஆய்விற்காக அரசு மருத்துவமனைக்கு அனுப்பி வைத்துள்ளனர். இச்சம்பவம் குறித்து தேவிபட்டினம் காவல்துறையினர் வழக்குப் பதிவு செய்து விசாரித்து வருகின்றனர்.