கோவையில் 10 வயது சிறுமிக்கு அவரது தாத்தாவே பாலியல் தொல்லை கொடுத்த சம்பவம் அரேங்கேறியுள்ளது.
கோயம்புத்தூர் மாவட்டம் பொள்ளாச்சி பகுதியைச் சேர்ந்த 10 வயது சிறுமி ஒருவர் அதே பகுதியில் உள்ள தனியார் பள்ளியில் ஆறாம் வகுப்பு படித்து வருகிறார். அதேபோல் பொன்னுச்சாமி என்ற 53 வயது மதிக்கத்தக்க நபர் ஒருவர் தனியார் ஓட்டுநர் பயிற்சி பள்ளி ஒன்றில் டிரைவராக பணிபுரிந்து வந்துள்ளார். இவர் சிறுமிக்கு தாத்தா முறை ஆவார்.
இந்நிலையில் அடிக்கடி சிறுமி வீட்டிற்கு சென்று குழந்தையுடன் விளையாடி வந்துள்ளார் பொன்னுச்சாமி. உறவினர் என்பதால் அக்கம் பக்கத்தினரும் பெற்றோர்களும் பெரிதாக அடிக்கடி வருவதை பெரிதாக கண்டுகொள்ளவில்லை. இந்நிலையில் சிறுமியின் தாய் நேற்று மார்க்கெட்டுக்கு காய்கறி வாங்க செல்ல சிறுமி மட்டும் வீட்டில் தனியாக இருந்துள்ளார்.
இதை அறிந்த பொன்னுச்சாமி வீட்டிற்குள் நுழைந்து சிறுமிக்கு பாலியல் தொல்லை அளித்துள்ளார். இதனால் அதிர்ச்சி அடைந்த சிறுமி சத்தமிட அக்கம்பக்கத்தினர் ஓடிவந்து பார்த்தனர். அதே சமயத்தில் தாயும் வீட்டிற்கு வந்துவிட்டார்.
இதையடுத்து பொன்னுசாமி தப்பி ஓட தனது தாயிடம் கதறி அழுத சிறுமி தனக்கு நேர்ந்த கொடூரத்தை தெரிவிக்க, அனைத்து மகளிர் காவல் நிலையத்தில் பொன்னுசாமி மீது புகார் அளிக்கப்பட்டது. புகாரின் அடிப்படையில் போஸ்கோ சட்டத்தின் கீழ் வழக்குப்பதிவு செய்து பொன்னுசாமியை தேடி வந்த அதிகாரிகள் பொள்ளாச்சி பேருந்து நிலையம் அருகே அவரை கைது செய்து சிறையில் அடைத்தனர்.