மாணவிக்கு பாலியல் தொந்தரவு கொடுத்த வாலிபர்களை காவல்துறையினர் கைது செய்துள்ளனர்.
திருப்பூர் மாவட்டத்தில் உள்ள மங்கலம் பகுதியில் 10-ஆம் வகுப்பு படிக்கும் 15 வயது மாணவி ஒருவர் வசித்து வருகிறார். இவர் கடந்த 4-ஆம் தேதி திடீரென காணாமல் போனார். இதனால் அதிர்ச்சி அடைந்த மாணவியின் பெற்றோர் அக்கம்பக்கத்தில் தேடியும் கண்டுபிடிக்க முடியவில்லை. இதுகுறித்து மாணவியின் பெற்றோர் மங்கலம் காவல்நிலையத்தில் புகார் அளித்துள்ளனர். அந்த புகாரின் பேரில் வழக்கு பதிவு செய்த காவல்துறையினர் விசாரணை மேற்கொண்டு வந்தனர். அப்போது மாணவி கொடைக்கானலில் இருப்பது காவல்துறையினருக்கு தெரியவந்துள்ளது. இதனையடுத்து காவல்துறையினர் மாணவியை தேடி கொடைக்கானலுக்கு சென்றனர். அங்கு மாணவி 2 வாலிபர்கள் இருப்பது காவல்துறையினர் தெரியவந்துள்ளது.
இதனையடுத்து காவல்துறையினர் அவர்களை பிடித்து விசாரணை நடத்திய போது அவர்கள் மங்கலம் பகுதியில் வசிக்கும் டிரைவர் பொன்னுச்சாமி மற்றும் பள்ளிபாளையம் பகுதியில் வசிக்கும் சிக்கந்தர்பாஷா என்பது தெரியவந்துள்ளது. இந்நிலையில் அவர்கள் 2 பேரும் மாணவியை திருமணம் செய்ய ஆசைவார்த்தை கூறி காரில் கடத்திச் சென்று அவருக்கு பொன்னுசாமி பாலியல் தொந்தரவு கொடுத்தது தெரியவந்துள்ளது. இதனையடுத்து மாணவியை கடத்தி செல்ல சிக்கந்தர்பாஷா உடந்தையாக இருப்பதும் தெரியவந்துள்ளது. இதுகுறித்து போக்சோ சட்டத்தின் கீழ் வழக்கு பதிவு செய்த காவல்துறையினர் 2 பேரையும் கைது செய்துள்ளனர். இதனைதொடர்ந்து காவல்துறையினர் அவர்களிடம் இருந்து மாணவியை மீட்டு பெற்றோரிடம் ஒப்படைத்தனர்.