பொதுத்தேர்வு எழுதும் மாணவர்களுக்கான பதிவை www.dge.tn.gov.in என்ற இணையதளத்தில் சென்று பதிவிறக்கம் செய்து கொள்ளலாம் என தேர்வுத்துறை இயக்கம் அறிவித்துள்ளது.
தமிழகத்தில் கொரோனா தொற்று காரணமாக கடந்த இரண்டு ஆண்டுகளாக பள்ளி மற்றும் கல்லூரிகள் மூடப்பட்டு இருந்தது. மேலும் பொது தேர்வு ரத்து செய்யப்பட்டிருந்தது. தற்போது தொற்று குறைய தொடங்கியது தொடர்ந்து கடந்த 1-ஆம் தேதி முதல் அனைத்து பள்ளிகள் மற்றும் கல்லூரிகள் திறக்கப்பட்டுள்ளன. வகுப்புகள் தற்போது வழக்கம் போல் செயல்பட்டு வருகிறது. இதனால் இந்த ஆண்டு கட்டாயமாக பொதுத்தேர்வு நேரடியாக நடைபெறும் என பள்ளி கல்வித்துறை அறிவித்துள்ளது. அத்துடன் மாணவர்கள் பொதுத்தேர்வை எதிர்கொள்வதற்காக முதல் திருப்புதல் தேர்வு இரண்டாம் திருப்புதல் தேர்வு நடத்தப்படுகிறது.
கடந்த மாதம் முதல் திருப்புதல் தேர்வு பொதுத்தேர்வு போல நடைபெற்றது. மேலும் இரண்டாம் திருப்புதல் தேர்வு பொதுத்தேர்வு போல நடைபெற வேண்டுமென தெரிவிக்கப்பட்டுள்ளது. அதன்படி 10 மற்றும் 12ஆம் வகுப்பு மாணவர்களுக்கான பொது தேர்வு கால அட்டவணையை தற்போது வெளியிட்டுள்ளது. இதில் மே மாத இறுதிக்குள் மாணவர்களுக்கான பொது தேர்வு நடைபெறும் என தெரிவிக்கப்பட்டுள்ளது.
அதனால் மாணவர்கள் அனைவரும் தங்களை தயார்படுத்தி வருகின்றனர். அத்துடன் இந்த வருடம் பொதுத்தேர்வு கட்டாயமான முறையில் அறிவித்தபடி நடத்தப்படும் என பள்ளிக்கல்வித் துறை அமைச்சர் கூறியுள்ளார். இந்நிலையில் 12ஆம் வகுப்பு மாணவர்களுக்கான பொதுத் தேர்வுப் பதிவெண்களை வெளியிட்டுள்ளது. இதனை www.dge.tn.gov.in என்ற இணையதள முகவரிக்கு சென்று மாணவர்களின்பதிவெண் பட்டியலை பதிவிறக்கம் செய்து கொள்ளலாம். இந்த பட்டியலில் தலைமை ஆசிரியர்கள் வருகிற 31-ஆம் தேதி வரை பதிவிறக்கம் செய்துகொள்ளலாம் என்று தேர்வுத்துறை இயக்கம் அறிவித்துள்ளது.