மொபட் மீது பேருந்து மோதிய விபத்தில் சக்கரத்தில் சிக்கி இளம்பெண் உயிரிழந்த சம்பவம் சோகத்தை ஏற்படுத்தியுள்ளது.
சென்னை மாவட்டத்திலுள்ள முத்தாபுதுபேட்டை பகுதியில் திருமூர்த்தி என்பவர் வசித்து வருகிறார். இவருக்கு பாரதி என்ற மகள் இருந்துள்ளார். இவர் தண்டலம் பகுதியில் இருக்கும் தனியார் கல்லூரியில் எம்.எஸ்.சி முதலாமாண்டு படித்து வந்துள்ளார். இந்நிலையில் பாரதி தனது மொபட்டில் கல்லூரிக்கு புறப்பட்டுள்ளார். இவர் வண்டலூர்-மஞ்சூர் 400 அடி சாலையில் அமுதூர்மேடு பேருந்து நிறுத்தம் அருகே சென்று கொண்டிருந்த போது வேகமாக வந்த தனியார் கம்பெனி பேருந்து பாரதியின் மொபட் மீது பயங்கரமாக மோதியது.
இதனால் நிலைதடுமாறி கீழே விழுந்த பாரதியின் தலை மீது பேருந்தின் சக்கரம் ஏறி இறங்கியதால் சம்பவ இடத்திலேயே அவர் பரிதாபமாக உயிரிழந்துவிட்டார். இதுகுறித்து தகவல் அறிந்த காவல்துறையினர் சம்பவ இடத்திற்கு விரைந்து சென்று மாணவியின் சடலத்தை கைப்பற்றி அரசு மருத்துவமனைக்கு பிரேத பரிசோதனைக்காக அனுப்பி வைத்துள்ளனர். மேலும் இதுகுறித்து வழக்குப்பதிவு செய்த காவல்துறையினர் விபத்தை ஏற்படுத்திய பேருந்து ஓட்டுநரான முனியாண்டி என்பவரை கைது செய்து விசாரணை மேற்கொண்டு வருகின்றனர்.