ரோட்டில் நடந்து சென்ற பெண்ணிடம் தங்கச் சங்கிலியை பறித்த சம்பவம் பெரும் பரபரப்பை ஏற்படுத்தியுள்ளது.
ஈரோடு மாவட்டத்திலுள்ள பெருந்துறை குன்னத்தூர் ரோட்டில் உப்பிலியர் வீதியில் வசித்து வருபவர் குமார். இவர் மனைவி ரம்யா தேவி (39) கூலித்தொழில் செய்து வருகிறார். நேற்று முன்தினம் மாலை வேலை முடிந்து அதே வீதியில் வீட்டிற்கு நடந்து வந்து கொண்டிருந்தபோது அந்த வழியாக மோட்டார் வாகனத்தில் வந்த 2 மர்ம நபர்கள் ரம்யா தேவியின் கழுத்தில் இருந்த தங்க சங்கிலியை பறித்தார்கள்.
அப்போது ரம்யா தேவி தந்திரமாக சங்கிலியை இரண்டு கைகளாலும் இறுக்கி பிடித்துக் கொண்டார். இதனால் சங்கிலியின் சிறிய பகுதி மட்டும் அந்த நபர் கையில் சிக்கி இருக்கிறது. அந்த சிறு துண்டுடன் அவர்கள் தப்பித்து ஓடிவிட்டார்கள்.இதுகுறித்து ரம்யா தேவி பெருந்துறை காவல் நிலையத்தில் புகார் அளித்துள்ளார். இப்புகாரின் பேரில் பெருந்துறை காவல்துறையினர் வழக்குப் பதிந்து தங்கச் சங்கிலியை பறித்த 2 மர்ம நபர்களை வலைவீசி தேடி வருகின்றனர்.