ஐசிசி மகளிர் உலக கோப்பை போட்டியில் இந்திய மகளிர் அணிக்கெதிரான ஆட்டத்தில் 62 ரன்கள் வித்தியாசத்தில் நியூசிலாந்து அணி வெற்றி பெற்றது.
ஐசிசி மகளிர் உலக கோப்பை கிரிக்கெட் போட்டி நியூசிலாந்தில் நடைபெற்று வருகின்றன.இதில் இன்றைய போட்டியில் இந்தியா – நியூசிலாந்து அணிகள் பலப்பரீச்சை நடத்தின. இதில் டாஸ் வென்ற இந்திய மகளிர் அணி பவுலிங் தேர்வு செய்தது. அதன்படி முதலில் நியூசிலாந்து அணி களமிறங்கியது.இதில் அதிகபட்சமாக அமெலியா கெர் 50 ரன்னும் , எமி சாட்டர்வெய்ட் 75 ரன்னும் எடுத்து ஆட்டமிழந்தனர். மற்ற வீராங்கனைகள் சொற்ப ரன்னில் ஆட்டமிழந்தனர்.இறுதியாக நியூசிலாந்து அணி 50 ஓவர் முடிவில் 9 விக்கெட் இழப்புக்கு 260 ரன்கள் குவித்தது.
இதன்பிறகு 261 ரன்கள் வெற்றி இலக்காக கொண்டு இந்திய அணி களமிறங்கியது.இதில் தொடக்க ஆட்ட வீராங்கனைகளாக களமிறங்கிய யாஸ்திகா 28 ரன்னும்,ஸ்மிரிதி மந்தனா 6 ரன்னிலும் ஆட்டமிழந்தனர். இதில் அதிகபட்சமாக மிதாலி ராஜ் 31 ரன்னும், ஹர்மன்பிரீத் கவுர் 71 ரன்னும் எடுத்தனர். இறுதியாக இந்திய அணி 46.4 ஓவரில் அனைத்து விக்கெட் இழப்புக்கு 198 ரன்னில் சுருண்டது. இதனால் நியூசிலாந்து அணி 62 ரன்கள் வித்தியாசத்தில் வெற்றி பெற்றது.