மோட்டார் சைக்கிள் விபத்துக்குள்ளானதில் வாலிபர் உயிரிழந்த சம்பவம் சோகத்தை ஏற்படுத்தியுள்ளது.
சேலம் மாவட்டத்தில் உள்ள அரசிராமணி எம்.ஜி.ஆர் நகரில் மாதையன் என்பவர் வசித்து வருகிறார. இவருக்கு கரும்பு வெட்டும் தொழிலாளியான பிரபு என்ற மகன் இருந்துள்ளார். இந்நிலையில் பிரபு தனது உறவினர் ஒருவரை வீட்டிற்கு கொண்டு விடுவதற்காக மோட்டார் சைக்கிளில் சென்றுள்ளார். அந்த உறவினரை இறக்கிவிட்ட பிறகு பிரபு வீட்டிற்கு திரும்பி சென்று கொண்டிருந்தார்.
இந்நிலையில் கூத்தாடிபாளையம் பகுதியில் சென்று கொண்டிருந்த போது திடீரென கட்டுப்பாட்டை இழந்த மோட்டார் சைக்கிள் சாலையோரம் இருந்த புளிய மரத்தின் மீது பயங்கரமாக மோதியது. இந்த விபத்தில் படுகாயமடைந்த பிரபுவை அருகில் உள்ளவர்கள் மீட்டு மருத்துவமனைக்கு சிகிச்சைக்காக அனுப்பி வைத்தனர். ஆனால் அங்கு அளிக்கப்பட்ட சிகிச்சை பலனின்றி பிரபு பரிதாபமாக உயிரிழந்துவிட்டார். இது குறித்து வழக்குப்பதிவு செய்த காவல்துறையினர் தீவிர விசாரணை மேற்கொண்டு வருகின்றனர்.