உலகப் பெண்கள் தினத்தை முன்னிட்டு பெண் காவலரை கமிஷனர் கவுரவப்படுத்தி உள்ளார்.
காஞ்சிபுரம் மாவட்டத்தில் உள்ள சோழிங்கநல்லூர்-மேடவாக்கம் சாலையில் இருக்கும் கமிஷனர் அலுவலகத்தில் வைத்து உலக பெண்கள் தினம் கொண்டாடப் பட்டுள்ளது. இதற்கு கமிஷனர் ரவி தலைமை தாங்கி காவல் நிலையத்தில் பணிபுரியும் பெண் காவல்துறையினரின் பணியை பாராட்டும் விதமாகவும், அவர்களை ஊக்குவிக்கும் விதமாகவும், சரிதா என்னும் முதல்நிலை பெண் காவல்துறையினரை கவுரவிக்கப்பட்டுள்ளனர். இதனையடுத்து காவல்நிலையத்திற்கு அருகில் வசிக்கும் சரிதா தனது இருசக்கர வாகனத்தில் காவல்நிலையத்திற்கு வருவதை வழக்கமாக வைத்திருக்கிறார்.
இந்நிலையில் வீட்டிலிருந்து காவல் நிலையத்திற்கு கிளம்பிய சரிதாவின் இருசக்கர வாகனத்தின் முன் மற்றும் பின் புறங்களில் பாதுகாப்பு வாகனங்கள் ஒலி எழுப்பியபடி அவரை காவல் நிலையத்துக்கு அழைத்து சென்றுள்ளனர். பின்னர் தமிழக காவல்துறையில் பெண் காவல்துறையினர் சிறப்பாக செயல்படுவதாகவும், அவர்களுக்கு தனது மகளிர் தின வாழ்த்துக்களை தெரிவித்துக் கொள்வதாகவும் கமிஷனர் ரவி தெரிவித்துள்ளார்.