ஆசிரியர் மர்ம முறையில் இறந்து கிடந்த சம்பவம் பரபரப்பை ஏற்படுத்தியுள்ளது.
திருவண்ணாமலை மாவட்டத்தில் உள்ள கண்ணமடை காப்புக்காட்டில் ஆண் சடலம் கிடப்பதாக காவல்துறையினருக்கு தகவல் கிடைத்துள்ளது. அந்த தகவலின் படி சம்பவ இடத்திற்கு விரைந்து சென்ற தச்சம்பட்டு காவல்துறையினர் இறந்தவரின் சடலத்தை கைப்பற்றி திருவண்ணாமலை அரசு மருத்துவமனைக்கு பிரேத பரிசோதனைக்காக அனுப்பி வைத்துள்ளனர். இது குறித்து காவல்துறையினர் நடத்திய விசாரணையில் இறந்து கிடந்தவர் விருதுநகர் மாவட்டத்தில் வசிக்கும் சிவபாலன் என்பது தெரியவந்துள்ளது.
இவர் கீழ்செட்டிப்பட்டு பகுதியில் சொந்தமாக வீடு கட்டி வசித்து வந்துள்ளார். மேலும் சிவபாலன் சே.கூடலூர் அரசு பள்ளியில் ஆசிரியராக பணியாற்றி வந்துள்ளார். இந்நிலையில் ஆசிரியர் சிவபாலனின் கை, கழுத்து உள்ளிட்ட பகுதிகளில் கத்தியால் கிழித்துள்ளனர். மேலும் இது குறித்து வழக்கு பதிவு செய்த தச்சம்பட்டு காவல்துறையினர் விசாரணை மேற்கொண்டு வருகின்றனர்.