அடையாளம் தெரியாத வாகனம் மோதி மான் உயிரிழந்த சம்பவம் சோகத்தை ஏற்படுத்தியுள்ளது.
சிவகங்கை மாவட்டத்தில் உள்ள செம்பனூர் காட்டுப்பகுதியில் அமைந்துள்ள சாலையில் 4 வயதான புள்ளிமான் மேய்ந்துகொண்டிருந்தது. அப்போது அவ்வழியாக வந்த அடையாளம் தெரியாத வாகனம் புள்ளிமான் மீது மோதியுள்ளது. இந்த விபத்தில் படுகாயம் அடைந்த புள்ளிமான் சம்பவ இடத்திலேயே பரிதாபமாக உயிரிழந்துவிட்டது .
இதனை பார்த்து அதிர்ச்சி அடைந்த பொதுமக்கள் உடனடியாக வனத்துறையினருக்கு தகவல் தெரிவித்துள்ளனர். அந்த தகவலின் படி சம்பவ இடத்திற்கு விரைந்து சென்ற வனத்துறையினர் புள்ளிமானின் சடலத்தை கைப்பற்றி அதே பகுதியில் புதைத்துள்ளனர். இதனையடுத்து காவல்துறையினர் புள்ளிமானை அடித்து சென்ற வாகனத்தின் ஓட்டுநர் குறித்து தீவிர விசாரணை மேற்கொண்டு வருகின்றனர்.