சென்னையில் இன்று ஆதிதிராவிடர் மற்றும் பழங்குடி இனத்தவர்களுக்கு வேலைவாய்ப்பு முகாம் நடைபெற உள்ளது. இதில் 20க்கும் மேற்பட்ட பன்னாட்டு நிறுவனங்கள் பங்கேற்க உள்ளதாக தகவல் வெளியாகியுள்ளது.
தமிழகத்தில் ஆதிதிராவிடர் மற்றும் பழங்குடி இனத்தவர்களின் நலன்களை கருதி பல்வேறு நலத் திட்டங்களை தமிழக அரசு மேற்கொண்டு வருகிறது. மேலும் பள்ளி மற்றும் கல்லூரி மாணவர்களுக்கு உதவித்தொகை வழங்கி வருகின்றது. பள்ளிகளின் உதவியுடன் பழங்குடியின மாணவர்கள் உதவி தொகையை விண்ணப்பித்து பெறலாம். உயர்படிப்பு வரை உதவித்தொகை வழங்கப்பட்டு வருகின்றது. அதுமட்டுமல்லாமல் பழங்குடி இனத்தவர்களுக்கு உதவும் வகையில் தேசிய வாழ்வாதார சேவை மையமானது 1968ஆம் ஆண்டு மத்திய அரசால் தொடங்கப்பட்ட செயல்படுத்தப்பட்டு வருகின்றது. இந்த மையத்தில் தொழில் கல்வி பயிற்றுவித்தல், தொழில் வழிகாட்டல், ஆலோசனை வேலைவாய்ப்பு பயிற்சி ஆகியவை வழங்கப்பட்டு வருகின்றது.
இதனை தொடர்ந்து தற்போது இந்த மையத்தின் சார்பாக வேலை வாய்ப்பு முகாம் ஒன்று ஏற்பாடு செய்யப்பட்டுள்ளது. அது சென்னையில் இன்று நடைபெறும் என்று தெரிவிக்கப்பட்டுள்ளது. இதில் 20க்கும் மேற்பட்ட பன்னாட்டு நிறுவனங்கள் சென்னையை சுற்றியுள்ள நிறுவனங்கள் பங்கேற்று வேலை வாய்ப்புகளை வழங்க உள்ளனர். இந்த வேலைவாய்ப்பு முகாமில் பத்தாம் வகுப்பு முதல் பட்டப்படிப்பு முடித்தவர்கள் வரை பங்கேற்க முடியும். வயதுவரம்பு 18 முதல் 30 வயதுக்குள் இருக்க வேண்டும். ஆதிதிராவிடர் மற்றும் பழங்குடி இனத்தவர்களுக்கு தேசிய வாழ்வாதார சேவை மையம் மூலமாக இன்று காலை 9 மணி முதல் மாலை 3 மணி வரை இந்த வேலை வாய்ப்பு முகாம் நடைபெறுகிறது. இதில் ஆதிதிராவிட மற்றும் பழங்குடியின இனத்தவர்கள் பங்கேற்று வேலைவாய்ப்புகளைப் பெற்று பயனடையுமாறு துணை பிராந்திய வேலைவாய்ப்பு அதிகாரி தெரிவித்துள்ளார்.