அடையாளம் தெரியாத வாகனம் மோதிய விபத்தில் பெண் உயிரிழந்த சம்பவம் சோகத்தை ஏற்படுத்தியுள்ளது.
விருதுநகர் மாவட்டத்திலுள்ள புதுப்பட்டியில் பீகார் மாநிலத்தைச் சேர்ந்த அம்பிகா பாஸ்வான் என்பவர் தனது குடும்பத்தினருடன் வசித்து வருகிறார். இவருக்கு நிம்மி குமாரி என்ற மகள் இருந்துள்ளார். இந்நிலையில் நிம்மி குமாரி சாலையை கடக்க முயற்சி செய்த போது அடையாளம் தெரியாத வாகனம் இளம்பெண் மீது பயங்கரமாக மோதியது. இந்த விபத்தில் படுகாயம் அடைந்த நிம்மி குமாரி சம்பவ இடத்திலேயே பரிதாபமாக இறந்துவிட்டார்.
இது குறித்து தகவல் அறிந்த காவல்துறையினர் சம்பவ இடத்திற்கு விரைந்து சென்று இளம் பெண்ணின் சடலத்தை கைப்பற்றி அரசு மருத்துவமனைக்கு அனுப்பி வைத்துள்ளனர். மேலும் இதுகுறித்து வழக்குப்பதிவு செய்த காவல்துறையினர் தீவிர விசாரணை மேற்கொண்டு வருகின்றனர்.