முன் விரோதம் காரணமாக வாலிபர் குத்தி கொலை செய்யப்பட்ட சம்பவம் பரபரப்பை ஏற்படுத்தியுள்ளது.
விருதுநகர் மாவட்டத்தில் உள்ள இனாம்ரெட்டியபட்டி பகுதியில் டிராக்டர் ஓட்டுநரான ராமர் என்பவர் வசித்து வந்துள்ளார். இவருக்கும் அதே பகுதியில் வசிக்கும் ஆட்டோ ஓட்டுநரான ராஜேஸ்வரன் மற்றும் கருப்பசாமி ஆகியோருக்கு இடையே ஏற்கனவே முன்விரோதம் இருந்துள்ளது. இந்நிலையில் ராமர் தரகம்பட்டி ரோட்டில் இருக்கும் ஒரு தனியார் மது பாரில் மது குடித்து கொண்டிருந்தார். அப்போது கருப்பசாமி மற்றும் ராஜேஸ்வரன் ஆகிய இருவரும் அங்கு சென்று ராமருடன் தகராறு செய்துள்ளனர். மேலும் ராஜேஸ்வரன் மது பாட்டிலை உடைத்து ராமரை சரமாரியாக குத்தியுள்ளார்.
இதுகுறித்து தகவல் அறிந்த காவல்துறையினர் சம்பவ இடத்திற்கு விரைந்து சென்று ரத்த வெள்ளத்தில் கிடந்த ராமரை மீட்டு மருத்துவமனைக்கு சிகிச்சைக்காக அனுப்பி வைத்தனர். ஆனால் அங்கு அளிக்கப்பட்ட சிகிச்சை பலனின்றி ராமர் பரிதாபமாக இறந்துவிட்டார். இதுகுறித்து வழக்குப்பதிவு செய்த காவல்துறையினர் கருப்பசாமி மற்றும் ராஜேஸ்வரன் ஆகிய இருவரையும் கைது செய்து விசாரணை மேற்கொண்டு வருகின்றனர்.