காணாமல் போன வாலிபர் சடலமாக மீட்கப்பட்ட சம்பவம் பரபரப்பை ஏற்படுத்தியுள்ளது.
கள்ளக்குறிச்சி மாவட்டத்தில் உள்ள ரிஷிவந்தியம் பகுதியில் இருக்கும் அத்தியூர் கிராமத்தில் கோவிந்தன் என்பவர் வசித்து வருகிறார். இவருக்கு அரவிந்தன் என்ற மகன் இருந்துள்ளார். இவர் காட்டுக்கோட்டையில் இருக்கும் ஒரு அரசு கல்லூரியில் 2-ம் ஆண்டு படித்து வருகிறார். இவர் கல்லூரி விடுமுறை காரணமாக தற்போது ஊருக்கு வந்துள்ளார். இந்நிலையில் வீட்டை விட்டு வெளியே சென்ற அரவிந்தன் நீண்ட நேரமாகியும் வீடு திரும்பவில்லை. இதுகுறித்து அரவிந்தனின் பெற்றோர் பகண்டை கூட்டு காவல்நிலையத்தில் புகார் அளித்துள்ளனர்.
அந்த புகாரின்பேரில் வழக்குப்பதிவு செய்த காவல்துறையினர் அரவிந்தனை தீவிரமாக தேடி வந்துள்ளனர். இந்நிலையில் அரவிந்தன் தாங்கள் ஏரியில் பிணமாக கிடப்பதாக காவல்துறைக்கு தகவல் வந்துள்ளது. அந்த தகவலின்படி சம்பவ இடத்திற்கு விரைந்து சென்ற காவல்துறையினர் ஏரியில் இருந்த அரவிந்தனின் சடலத்தை மீட்டனர். அதன்பிறகு அவரது உடல் பெற்றோர்களால் அடையாளம் காட்டப்பட்டு பிரேத பரிசோதனைக்காக திருக்கோவிலூர் அரசு மருத்துவமனைக்கு அனுப்பி வைக்கப்பட்டது. மேலும் இதுகுறித்து வழக்குப்பதிவு செய்த காவல்துறையினர் விசாரணை மேற்கொண்டு வருகின்றனர்.