வாலிபரிடம் கத்தியை காட்டி பணம் பறித்த 2 பேரை காவல்துறையினர் கைது செய்துள்ளனர்.
மதுரை மாவட்டத்திலுள்ள மாடக்குளம் பகுதியில் விஜய் என்பவர் வசித்து வருகிறார். இவர் அப்பகுதியில் இருக்கும் சந்தையில் நின்று கொண்டிருந்தார். அப்போது முத்தையா மற்றும் விக்னேஷ் ஆகிய 2 பேரும் கத்தியை காட்டி மிரட்டி விஜயிடம் இருந்த பணத்தை பறித்து சென்றனர்.
இது குறித்து விஜய் காவல் நிலையத்தில் புகார் அளித்துள்ளார். அந்த புகாரின் பேரில் வழக்குப்பதிவு செய்த காவல்துறையினர் முத்தையா மற்றும் விக்னேஷ் ஆகிய இருவரையும் கைது செய்து விசாரணை மேற்கொண்டு வருகின்றனர்.